أنا وتامر أمين والصعايدة

 كتب محمود خليل:

تابعت ما قاله تامر أمين عن بعض الصعايدة وردود الأفعال من بعض الصعايدة على أقواله
تامر أراد اثبات إنه من الجوقة "الشريفة" التى تنفذ دون اعتراض أو فهم فزادت حماسته وزل لسانه وهو من بين المذيعين الذين كتبت عنهم منتقدا إسلوبه وطريقته فى تناول القضايا ..
أى إنه لا يعجبنى ولا ارتاح لبرنامجه ولا أشاهده ولا غيره إلا نادرا فقد أغلقت التليفزيون بـ "الضبة والمفتاح" بعد ارتداء كل البرامج والمذيعين لقميص واحد
كما لم أعد اشترى أية جريدة أيضا منذ انقلاب يناير 2011 نتيجة التناول الخاطىء لما أسموه "ثورة" وكنت حذرت فى مقال لى بعد أحداث تونس ردا على تصريح لـ "صفوت الشريف" أكد فيه إن ما حدث فى تونس لن يحدث فى مصر وقلت وقتها أن ما حدث فى تونس سيحدث فى مصر لشواهد عديدة سردتها فى المقال
رغم معارضتى لم يقبض أحد على ولم يتهمنى أحد بالخيانة أو الانضمام لجماعة محظورة حتى إننى كتبت نصف صفحة فى جريدة الأحرار معارضا رحلة مبارك العلاجية فى ألمانيا وعدت إلى بيتى سالما وعشت آمنا مطمئنا وسط أسرتى وأهلى ولم يطلب منى أحد الاعتذار
أما تامر أمين فاعتذاره – للأسف – كان مذريا ولا ينم عن شخصية سوية فأنا حينما اعتذر اقدم مبرراتى للخطأ الذى وقعت فيه وأعترف به واعتذر عنه دون أن أضع "جزمة" أحد على رأسى فالذى أضع "جزمته" على رأسى هو فقط والدى الذى ربانى أما "جزم" الآخرين فلا اتشرف أن أضعها على رأسى مهما كانوا
أما رد بعض الصعايدة فكنت أتمنى أن يترفعوا عن شتيمة وسب تامر أمين بأقذع الألفاظ وإتهامه فى عرضه ونشر صور له مع ممثلات أو أى من النساء لأن تلك حياته الشخصية فهذه الردود أيضا لا تنم عن شخصيات سوية أيضا فالمسلم "كيس فطن" والصعيدى – المفروض - إنه "جدع وشهم" و"لا تخرج العيبة من فمه" حسبما يتفاخر كثير منهم بأصولهم القبلية من الجزيرة العربية
هذه الألفاظ يمكن لتامر آمين أن يقيم ضد من تلفظ بها دعاوى قضائية ويكسبها ويحصل على تعويض من أصحابها
ألا يعلم بعض الصعايدة أن الله تعالى ورسوله الكريم نهى عن التعصب للقبيلة ونهى عن العصبية القبيلية لأنها عودة إلى الجاهلية بعدما ساوى الإسلام بين جميع الناس وجميع القبائل وجميع العصبيات
يقول تعالى في القرآن الكريم "إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ"
ويقو أيضا "يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ"يقول الرسول صلَّى الله عليه وسلَّم"مَن قُتِلَ تَحْتَ رايَةٍ عِمِّيَّةٍ، يَدْعُو عَصَبِيَّةً، أوْ يَنْصُرُ عَصَبِيَّةً، فقِتْلَةٌ جاهِلِيَّةٌ"
هل مجتمع الصعايدة أو غيره من المجتمعات مجتمع من الملائكة؟..
هل لا يوجد من الصعايدة ومن البحاروة من لا يعمل فى المنازل "خدما وبوابين وفى الفاعل وغيرها من الأعمال الشريفة"؟
المفروض إن الخادمات يقمن دعاوى ضد كل من رد على تامر أمين بتهمة الإساءة لعملهن.. فالخدمة فى المنازل ليست عيبا لأنهن يأكلن من حلال .. أما العيب فهو أن تعمل المرأة فى الدعارة مثلا
هل يعيب الصعايدة والبحاروة والبدو وغيرهم شخص"مستريح" نصب عليهم وعلى غيرهم؟
هل يعيب الصعايدة أن سامية جمال صعيدية وغيرها من الممثلات والممثلين صعايدة؟
هل يعيب أية مهنة أن يكون فيها منحرف؟ .. إلا يوجد ضباط شرطة تعانوا مع تجار المخدرات..
ألا يوجد قضاة ضبطوا فى قضايا مخدرات وقضايا جنسية..  
ألا يوجد من الصحفيين نصابين ويبتزون رجال الأعمال ومنهم صعيدى يدعى "مدنى صالح" نصب على البنوك وعلى صحفيين وعلى أناس عاديين بحجة تسليمهم شققا أو توظيفهم وقد تبرأت منه عائلته ولا يستطيع النزول لقريته فى بنى سويف بل إنه يدعى إنه إسكندرانى فيسىء إلى أهل إسكندرية؟! .. وتم تحويل هذا "الصحفى" إلى لجنة تأديب وللأسف لم يتخذ قرار بشأنه فصار يسىء إلى مهنة القلم وإلى الصحفيين وإلى الصعايدة وإلى أهله
رغم ذلك فتلك حالات فردية أو قليلة لا يعنى أن كل الصعايدة نصابين .. بل يجب على الصعايدة أن يلفظوا هذه الشخصيات ويتبرأوا منها وهى لا تعيبهم ولا تقلل من شأنهم ولا تحط من كرامتهم  ..
للعلم ما يقرب من 60 بالمائة من أعضاء النقابة وممن يعملون فى الحقل الإعلامى من الصعايدة وكثير منهم أناس محترمين وأعتز بهم وقليل لا يعبر عن جدعنة وشهامة الصعايدة
هل يعلم الصعايدة أن مقدمى عدد من البرامج من الصعايدة يكرههم أكثر من 95 بالمائة من الشعب المصرى بسبب "تطبيلهم" وأكلهم على كل الموائد وإعلاء رأى وصوت المسئول على مصلحة الأمة ولهذا رأينا كم الفرحة بل والتشفى في ما يتعرضون له من حوادث ومنهم صعايدة يعارضونهم ويعترضون على أسلوبهم؟
هل يعلم الصعايدة أن ما تم هدفه إحداث "فورتينة" وزرع للفتن بين أبناء الشعب المصرى لإلهائه عن واقعه ولقمة عيشه وحريته وأشياء أخرى
لماذا لم يثر الصعايدة بسبب فيلم "البيه البواب" .. أليس هذا النموذج موجود بين ظهرانيكم؟لماذا لم يثر أمناء الشرطة بسبب فيلم "هى فوضى" .. أليس هذا النموذج موجود وتتعاملون معه كل يوم؟
لماذا لم يثر المحامين بسبب فيلم "الأفوكاتو" .. أليس هذا النموذج موجود بين المحامين ويسىء لهم؟
لماذا لم يثر المسئولين بعد فيلم "الارهاب والكباب" وغيرها من أفلام عادل إمام التى كتبها وحيد حامد وفضح فيها نماذج كثيرة من فئات المجتمع؟
لماذا لم يثر البحاروة والعمد والفلاحين وعلماء الدين "المأذون" و"مدرس اللغة العربية" بسبب تصوير نماذج منحرفة منهم فى الأفلام؟
الشعب المصرى مشهور بالنكتة وحتى السخرية من نفسه ومنها "مرة واحد صعيدى" ومنها "أبو العربى" الشخصية البورسعيدية وغيرها من المهن مثل الحلاق والكهربائى والمدرس ... الخ .. فماذا حدث ليصبح التنمر هكذا بسبب كلمة أو رأى أو نقد أو معارضة
هل تتذكرون "أنا من بلد الريس" التى قالتها فيفى عبده فى برنامج «النادي الدولي" الذى كان يقدمه  سمير صبري فتم وقف البرنامج ورغم ذلك لم يكره  أنور السادات لكن السادات تعرض لحملة تنمر من البعض لإنه أوقف برنامجا لأن راقصة قالت إنها من بلده وخرج المتحذلقون يكيلون الشتائم والسباب والسخرية للسادات بسبب ذلك؟
هل تتذكرون هشام قنديل حينما انتقد الصعيديات والريفيات وقال إنهن لا ينظفن أذدائهن قبل إرضاع أطفالهن ولهذا يصاب أطفالهن بالنزلات المعوية.. ساعتها ثار الصعايدة ضده وأتهموه بالإساءة للمرأة الصعيدية؟!كيف وهذا بالفعل ما يحدث غالبا من النساء المصريات شرقا وغربا وشمالا وجنوبا ويكفى أن تذهب إلى الأسواق لتشاهدوا بأم أعينكم البائعات وهن يرضعن أطفالهن دون اتخاذ إجراءات صحية مثل غسل أثدائهن حفاظا على صحة أطفالهن بل يحدث هذا فى الحقول وفى البيوت والمواصلات العامة؟!
ألا تتذكرون كيف هاجم الصعايدة وزير النقل لإنه طالب بأن تكون محطة الصعيد فى الجيزة.. وخرجوا يعايرون مصر بأنهم من بنوا مصر وهم يملكون مصر؟!.. أليس هذا واجب كل مصرى أن يبنى مصر؟
ما قاله كامل الوزير ليس جديدا فقد طالبت فى مقال فى التسعينيات أن تنتهى خطوط الوجه القبلى فى العياط وخطوط الوجه البحرى فى قليوب وإنشاء قطار كهربائى أو مترو بين المحطتين لخدمة المناطق التى يمر المترو والقضاء نسبيا على أزمة المواصلات فى تلك المنطقة المحصورة بين قليوب والعياط والاستفادة من الأراضى فى رمسيس وشبرا لإنشاء حدائق ومتنزهات وكيان ثقافى يخفف من عبء التلوث البيئى
هل يتذكر أحد الدعوة التى أطلقها مصطفى كامل مراد وآخرون بغلق القاهرة الكبرى على أهلها ومنع "ترييفها" فخرج الصعايدة وغيرهم يهاجمون الرجل والمسئولين الذين ايدوا الفكرة فكان رد مبارك بإنشاء مصانع ومدن وقنوات تليفزيونية لتقليل الهجرة إلى القاهرة ساهمت تلك القنوات الاقليمية فى الدلتا والصعيد ومدن القناة وسيناء والأسكندرية فى فتح مجالات لشباب تلك المناطق فاستقروا فيها واعتبرت كمعمل تفريخ لماسبيرو ومن تلك القنوات الجديدة خرج تامر آمين
ليس القنوات التليفزيونية فقط بل صار لكل محافظة جريدة وأكثر فاستقر شباب الصحفيين فى تلك المحافظات فى محافظاتهم
بعد انقلاب يناير المشئوم 2011 تم غلق تلك القنوات والصحف بل عدد كبير من الصحف الحزبية والخاصة والأهلية فزادت البطالة وزاد النزوح إلى القاهرة بحثا عن فرصة عمل ليس فى الصحافة والإعلام فقط بل فى كل المجالات بعد غلق كثير من المنشآت الصناعية والسياحية وغيرها
لماذا سكت الصعايدة واطبقوا الصمت على تصريح من وزير صحة أن الصعايدة يجب تقليل خصوبتهم وخصوبتهن لأنهم يتناسلون كثيرا؟!
البعض يريد إسكات الشعب عن أى نقد أو معارضة رغم أن صحة المجتمعات والدول والأمم تكمن فى حرية الكلمة والتعبير وطرح الآراء وبالتالى يفتح المجال للآخرين لتوجيه اللكمات إلى بعضهم البعض إشغالا لهم عن الواقعليتكم تقرأون الواقع بعين بعيدة عن العصبية القبلية وتعودون إلى الروح المرحة المتسامحة للمصريين والتى تضحك على نكتة تطلق على الصعايدة أو الفلاحين أو أهل القناة أو غيرها من الوظائف والمهن
طهروا مجتمعكم من القتلة والنصابين وعالجوا القضايا المسكوت عنها
كفى تعصبا لقبيلة أو شخص حاكم أو مسئول وليكن تكاتفكم نصرة للحق والحرية والعدل والعدالة والمساواة فى الحقوق والواجبات والحياة بكرامة
فكيف تبيحون لأنفسكم معارضة ونقد شخص وترفضون نقد أو كلمة توجه لكم؟
دمتم مصريين

احتجاجات نسائية ضد قانون "اللبس الفاضح"

احتجاجات نسائية ضد قانون "اللبس الفاضح"

كتب محمود خليل:

= أنا عايز فلوس .. فاهمين .. عايز فلوووووووس

- الناس طهقت ومت من الضرايب وغلو الأسعار

= يعنى أيه باقول لكم عايز فلوس

- عندى فكرة يا فندم .. احنا نفرض ضريبة على الناس اللى بتلبس محزق ومكشوف وقصير

= صح كدا .. فكرة هايلة .. اكتبوا فى الجرايد وقولوا فى الفضائيات عايزين نرجع الحشمة لبناتنا وستاتنا .. طيب غرامة اللبس دا يكون كام؟

- باقترح ألف جنيه يا فندم؟

= ألف جنيه أيه يا فندم .. الناس بتشترى البلوزة بألف جنيه والبنطلون المقطع بتلاتة دا غير الجزم .. الجزمة لوحدها بتلت أربع آلاف جنيه .. خلوها خمستلاف جنيه

- هاتبقى كتير يا فندم وممكن تحصل اعتراضات ومظاهرات والبلد مش ناقصة

= إسمع الكلام يا فندم .. الكلمة اللى أقولها تتنفذ .. الناس معاها فلوس كتيييير .. أنا عايز الفلوس دى ومش مهم لا مظاهرات ولا ديالو.. على فكرة المظاهرات مصلحة برضه

- أزاى يا فندم؟

= ماهو لما البنات تتظاهر وطبعا فى شباب هايتضامن معاهم يبقى هانقبض عليهم ونحطهم فى السجن كام أسبوع .. يتعلموا الأدب وإن مفيش فى البلد حد يعترض ولازم يدفعوا وهم "صاغرون" القرآن بيقول كدا .. صحيح .. وبعد كدا يتعرضوا على النيابة وتديهم خمستاشر فى حمستاشر وبعدين يتعرضوا على القضا فيخرجهم بكفالة خمستلاف جنيه يبقى المجموع عشرتلاف جنيه .. شفت بأه أزاى تجيب فلوس

- عفارم عليك يا فندم .. بس فى مشكلة تانية ممكن تقابلنا .. منظمات حقوق الإنسان بره وجوه

= لالالالا .. دول شوية عيال اللى جوه يتلموا فى ساعة ويدفعوا كفالات برضه .. يعنى مصلحة برضه .. أما اللى بره فنسكتهم بقرشين أو نطلع عليهم الكلاب بتوع الفضائيات ينهشوا لحمهم ويهددوهم أو نهدد إننا مش هانحارب الارهابيين ونسيبهم عليهم

- تفكير عميق واستراتيجى يا فندم .. مكنتش أعرف إن عندك العقلية الجبارة دى!

= لالالا .. صحيح .. البلد دى مينفعش معاها غير واحد زيى .. أنا دارس الشعب دا كويس وأعرف أمشيه على العجين ميلخبطهوش .. دا شعب ماينفعش معاه غير الخرزانة ...

- ننفذ أمتى يا فندم؟

= اعرضه الأول على البرطمان قصدى البرلمان .. علشان يبقى الشكل القانونى موجود .. بس متأخرهوش علشان نلحق العيال بتوع الجامعة نلم منهم قرشين كويسين

- أوامرك يا فندم .. يومين وننشر القانون فى الجريدة الرسمية

================

= بعد نشر القانون فى الجريدة الرسمية .. تنتشر فرق الشرطة السرية بالميكروباصات فى الشوارع والميادين وتقبض على كل فتاة أو سيدة ترتدى محزق ومكشوف ومقطع

= تمتلىء الأقسام عن آخرها بالمقبوض عليهن .. وتضج النيابة والقضاة من كثرة القضايا فيضطر وزير العدل لعمل جلسات مسائية مقابل بدل سهر

= يتجمهر أهالى المقبوض عليهن خارج أقسام الشرطة ويهتفون ضد الدولة فيتم القبض عليهم وحبسهم فى أقسام الشرطة لعرضهم على النيابات

= تتحدث وكالات الأنباء العالمية عن ما يحدث فى مصر فيخرج المسئول الكبير نافيا أن يكون فى مصر حجر على الحريات الشخصية أو الرأى وأن من تم القبض عليهم ارهابيين يهددون أركان الدولة ويعملون على قلب نظام الحكم

================

= يتم الإفراج تباعا عن المقبوض عليهم بعد دفع الكفالات والغرامات

"السيسى" يتوصل لـ "حل عبقرى" يمنع به "أثيوبيا" من احتكار "مياه النيل"

"السيسى" يتوصل لـ "حل عبقرى" يمنع به "أثيوبيا" من احتكار "مياه النيل"

كتب محمود خليل:

= اطلعوا قولوا للميسريين ان الحكومة بتبحث عن حلول وكيفية الرد على اثيوبيا التى انتهت من بناء السد

- يا فندم الميسريين مش هبل وبعدين بتوع الفيس فاقسين كل حاجة خاصة ان سياتك كنت مسئول عن ملف السد ووقعت اتفاقية البيع

= بيقلى اتفاقية بيع ... هو بقيت زى بتوع الفي والا أيه؟

- لا يا فندم انا كنت بانقل وجهة نظرهم بس

= طيب يالا يا فندم ابحث عن كام مبرر وكام حل نسكت بيهم الميسريين

- تمام يا فندم

===== بعد كام ساعة ====

= ايوه يا فندم ..

- فى ايه

= لقينا حل ممتاز

- بالسرعة دى

= حل عبقرى يا فندم

- قول يا فندم

- احنا نشترى كام موتور ونحطه عند السد من غير الاثيوبيين ما يعرفوا ونشفط المية من هناك

- طيب يا فندم وصوت المواتير الاثيوبيين هايسمعوه ويصادروا المواتير ويخرجوا على العالم ويصوروهم ويبقى وشنا وحش .. دى مش اخلاقنا يا فندم

= يا فندم احنا نعمل لهم كواتم صوت فى المصانع الحربية ونغطيهم كويس فمحدش هايشوفها ولا يسمعها

- فكرة برضه .. خلينى ادرسها

====== بعد ساعتين =====

= أيوه يا فندم

- انا موافق على الفكرة بس اعملى دراسة جدوى عن السعر وقدرة المواتير وافضل شركة وابعتهم لى على وجه السرعة وانا هاشوف اخوانا فى المصانع الحربية يقدروا يعملوا أيه

= تمام يا فندم ... خلال أسبوع تكون الدراسة على مكتب سياتك

- اسبوع ايه يا فندم .. يوم واحد بس تكون الدراسة على مكتبى

= تمام يا فندم

==== بعد يوم ====

- ايوه يا فندم .. الدراسة وصلت .. بس مش شابف ان الاسعار عالية شوية

= دى اسعار السوق يا فندم

- طيب اعمل اتصالات بالشركة وخلى رئيسها يزور مصر واعلن انه جاى يتفق على مواتير للسد علشان لما المية اثيوبيا تقطعها نجيب مية من تحت الارض تشغل المواتير لانتاج الكهرباء

= وبعدين يا فندم

- مش شغلك .. ماتتكلمش فى الموضوع تانى .. علشان اريحك .. لما رئيس الشركة يجي هاستقبله واخليه يخفض فى الاسعار شوية علشان "ميسر"..

= فكرة عبقرية يا فندم زى محطات سيمنس كده .. بس خايف الراجل يطلع يفضحنا ويقول رئيس "ميسر" بيفاصل فى الاسعار

- سيبك منهم ... انا عارف انهم هايرفعوا الاسعار علشان لما اطلب يخفضوا شوية تبقى هى الاسعار الحقيقية .. انا عارفهم كويس أوى دول حرامية .. بس على مين .. دا أنا فيلسوف الاطباء

= طبعا يا فندم

==== بعد شهر ========

= يا "ميسريين" .. أنا كنت قلت لكم من كام سنة "انتوا اخايفين من ايه ؟ انا مضيعتكوش قبل كده علشان اضيعكم دلوقتى".. فاكرين يا "ميسريين".ز أهو أثيوبيا منعت عنا المية بس أنا مسكتش .. مية النيل مش ممكن تتقطع عن "ميسر".. احنا هاناخد حقنا بدراعنا ... هانروى ارضنا وهانروى سينا وحتى لو اصحاب تيران الجداد عاوزين مية هانديهم وحتى اصدقائنا فى اسرائيل لو عاوزين مية هانوديها لغاية عندهم .. ومن هنا باحيى الاسرائليين وباقول لهم علشان انتوا ناس محترمين ورئيس الوزراء صديقى نيتينياهو راجل محترم هاوصل لكم المية لو كنتم عايزينها علشان تشربوا من مية النيل وترووا النقب .. طبعا يا اسرائليين  انا باوجه كلامى لكم .. الميسريين بيقولوا "اللى يشرب من مية النيل بيرجع له تانى".. احنا مش عايزنكم تخافوا وعايزينكم تعيشوا فى أمان وسلام .. مش عايزينكم تعطشوا أبدا

====== بعد دقائق ======

= اثيوبيا تعترض على التصريحات الخطيرة وتعلن انها سوف تستخدم القوة العسكرية لكل من يفكر فى الاقتراب من السد وترسل مذكرة احتجاج الى الامم المتحدة ومجلس الأمن والاتحاد الافريقى

= اسرائيل على لسان النتن تعلن ترحيبها بالتصريحات وترسل مبعوثا خاصا ليتفاوض مع "ميسر" على مد انابيب للمياه الى النقب والى مدن تل ابيب وتعلن عن مشروعات زراعية واستثمارية مع "ميسر" وتشكر تلك التصريحات البناءة التى تدل على "تفهم" ميسر للمصالح الاسرائيلية وأن الاسرائيليين الذين سيشربون من مية النيل سيعودون اليها ويعيدون ايام النبى موسى

==== بعد يوم =======

= اتصال من رئيس امريكا يهنىء مصر بالخطوة التى اتخذتها وتعلن انها مع حق مصر فى توصيل المياه الى اسرائيل

= اجتماع عاجل من الحكومة بالحاكم لدراسة ردود الافعال و"تفويض" للحاكم فى ادارة ملف النيل وتوصيل المياه الى جزر تيران واسرائيل

===== بعد شهر ======

= اجتماع للحاكم مع رئيس اكبر شركات مواتير المياه ..

= الصحف تخرج بمانشتات "نجاح" سيسى فى تخفيض اسعار المواتير "علشان ميسر"

= رئيس الشركة وهو يوقع العقد يهتف عاليا "تحيا ميسر" تلت مرات

= اجتماع لاجهزة الامن لدراسة كيفية توصيل المواتير الى اثيوبيا ودراسة المكان المناسب لدفنها 

= اجتماع لمسئولى المصانع الحربية لتصميم وتركيب كواتم للصوت وعوازل آمنة للمواتير

=== بعد ستة أشهر ====

= زى ما وعدتكم "انا مضيعتكوش قبل كده علشان اضيعكم دلوقتى" .. قريبا جدا هاتلاقوا النيل مليان مية وكمان اللى عايز مية هانديله  .. أه .. خير ربنا كتير واحنا مش ممكن نسيب حد يعطش حتى اخوانا فى اسرائيل ولو اخوانا فى السعودية او الامارات والخليج كله – ما عدا الدولة اياها – عاوزين مية هانوصلها لغاية عندم ... يحيح ما هو أمن الخليج من أمن ميسر

=== بعدها بساعات =====

= وكالات الأنباء تنقل من مصر خروج مظاهرات عارمة إلى الشوارع تطالب بـ "شربة مية".. "هانموت عطشانين".. "عايزين نروى عطشنا ونروى أرضنا".. "قبل ما تكلب تبنيها ... كنت الأول ترويها".. "مش هانشرب مية بحر ولا مية صرف" ...

===============================

===============================

==== لتنشيط الذاكرة =====

= بدأ وضع حجر الأساس لسد أثيوبيا فى مارس 2011

= تم سحب ملف السد من المخابرات العامة سنة 2011 واسناده للمخابرات الحربيه التى كان يترأسها اللواء عبد الفتاح السيسى.

 =أعلن المجلس العسكرى إرسال وفود "شعبية", تضم رموز انقلاب ونكسة ووكسة يناير, رموز "ناصرجية وإخوانجية وسلفنجية", إلى أثيوبيا للتأكيد على "حق" أثيوبيا فى بناء السد.

= أعلنت الوفود من هناك أن حقبة مبارك "الفاسد" الذى كان يمنع بناء السد انتهت ومن حق "الأخوة" الأثيوبيين بناء ما يرونه من سدود وقدموا كل دعمهم لذلك.

 -أحد الأجهزة يذيع على الهواء مباشرة فى عام 2013 اجتماع مرسى مع "الخبراء", الذى طالب فيه "الخبير" أيمن نور وغيره ضرب السد بالطائرات والصواريخ وإعلان الحرب على أثيوبيا.

= البرلمان الإثيوبي يعلن إسقاط اتفاقية تقسيم مياه النيل الموقعة في عام 1929

= إثيوبيا تبدأ تحويل مياه النيل الأزرق لبناء السد عام 2013.

= يسقط مرسى ويعتلى السيسى منصة الحكم ويسرع لتوقيع "وثيقة إعلان المبادىء" مع أثيوبيا فى عام 2015 ليؤكد أن مصر تقف مع أثيوبيا فى حقها لبناء السد والتنمية.

 =إثيوبيا تعلن الانتهاء من إنشاء أول أربعة مداخل للمياه وتركيب مولدين للكهرباء وتحويل مجرى النيل ليمر عبر السد عام 2015.

==== أسئلة مشروعة ====

= هل تم الحصول على تعهد رسمى إثيوبي بعدم المساس بحصة مصر من المياه.

= هل تم الحصول على تعهد رسمى إثيوبي بإشراك مصر في إدارة السد.

= هل حصلت مصر على بيانات بناء السد وخرائطه والدراسات الفنية.

= هل تم الاتفاق على الترتيبات عند حدوث خلاف بين الجانبين بشأن اضرار أثيوبيا بمصر.

= ماذا فعل السيسى بعدما علم باشتراك إسرائيل والسعودية وقطر والأمارات والصين وأمريكا وايطاليا فى تمويل وبناء السد.

= لماذا لم يتحرك السيسى منذ العام 2011 وحتى العام 2017 لمنع أثيوبيا من بناء السد والاضرار بمصالح مصر القومية العليا.

 = ماذا تم فى مشروع ربط بحيرة فيكتوريا بنهر النيل , الذى روج له السيسى عام 2015, ثم تسريب معلومات عن فشله بسبب خطأ فى الدراسات الفنية للمشروع بسبب طبيعة الأرض وبالتالى صعوبة تنفيذ المشروع الـ"فنكوش".

= الحقيقة أن سيسى كان يعلم بكل خطوات أثيوبيا ولم يحاول منعها والدليل إعلانه عن بناء محطات تحلية لمياه البحر ومعالجة مياه الصرف الصحى وبناء محطات كهرباء لا تعتمد على الماء.

= النتيجة أن مياه النيل سوف تختفى وتوربينات السد سوف تتوقف وسيشرب المصريون من ماء البحر والصرف الصحى.

= أما "سحارات" المياه فى سرابيوم فهدفها توصيل المياه إلى إسرائيل لتوافق أثيوبيا على "منح" مصر الكمية المطلوبة من المياه وعدم الاضرار بها.

خريطة طريق لمنع مظاهرات 11 نوفمبر

حتى نحقن دماء المصريين التى يسعى البعض لإراقتها

خريطة طريق لمنع مظاهرات 11 نوفمبر

 كتب محمود خليل:

.. وما الحل حتى نتجنب صدامات الصراع على السلطة الذى بدأ باغتيال عادل رجائى  وستكون بدايته أو بداية الصراع الحقيقى فى 11 نوفمبر القادم؟

اكدنا من قبل أنه لا فرق بين الناصرجية والإخوانجية والثورجية والسلفنجية, رغم ما يبدو من عداء ظاهر أو اختلاف فى الرؤى, فقد بدأ الصراع على السلطة منذ عزل الجاسوس مرسى بين الإخوانجية كجماعة وبين جبهة سيسى الإخوانجية (الجبهة الناصرجية) ليس لصالح الوطن ولا الشعب, ولكن لمصالح شخصية وهو ما يشبه الصراع الذى بدأ بين ناصر المهزوم وبين دجماعة الإخوان فى العام 1954 وانتهى لصالح ناصر بسجن واعتقال الإخوانجية وإعدام مرشدهم.

إن ما سوف تشهده مصر يوم 11 نوفمبر أو ما تشهده منذ عزل الجاسوس مرسى فتحية ليس الا صراعا إخوانجيا – سيساوجيا,  على السلطة وتصفية حسابات بين الجبهتين, سيكون على حساب مصر والمصريين الذين سيكونون وقود ذلك الصراع الذى سيستمر طويلا لمدة قد تصل لعدة اشهر.

.. وما الحل لتجنب مصر والمصريين الدماء التى ينتظر أن تسيل على تراب الوطن؟

الحل يكمن فيما يلى:

- تنحى السيسى عن السلطة.

- إعدام كل من صدر ضده أحكام بالإعدام أو السجن.

- حل مجلس الشعب "النواب".

- حل جميع الأحزاب والكيانات السياسية التى تأسست بعد انقلاب يناير 2011.

- تعطيل الحياة السياسية لمدة ستة اشهر.

- إلغاء كافة الاتفاقيات والقرارات التى تمس الأرض المصرية والسيادة عليها وحقوقها التاريخية والعسكرية والقانونية والدولية.

- إلغاء كافة الاتفاقيات والقوانين التى تمس الموارد الطبيعية المصرية.

- ابعاد الجيش عن أى نشاط سياسى أو حزبى.

- اقتصار النشاط الاقتصادى للجيش على ما يخصه.

- إذا كان الجيش مصرا على دخول الحياة الاقتصادية فليكن من خلال كيان أو هيئة اقتصادية تابعة له تخضع لما تخضع له باقى الشركات والكيانات الاقتصادية المدنية الأخرى من قوانين وضرائب وغير ذلك, بشرط الا يؤثر ذلك على مهامه العسكرية.

- وقف العمل بدستور 2014.

- العودة إلى دستور 1971 لحين وضع دستور حقيقى يعبر عن كل فئات وآمال وطموحات الشعب المصرى.

- تولى رئيس المحكمة الدستورية حكم البلاد لحين انتخاب رئيس جديد لمصر خلال عام.

- إجراء انتخابات رئاسية شفافة ونزيهة لا يستثنى منها الا الكيانات والأحزاب والجماعات والأشخاص الذين صدر فى حقهم أحكاما تتعلق بنشاطات ارهابية او التورط فى اعمال ارهابية.

بهذه الخطوات أو بخريطة الطريق تلك, سوف نجنب مصر الدماء المنتظر أن تسيل الأيام والشهور القادمة, سوف نجنبها الانهيار والسقوط الذى يسعى إليه البعض بكل نشاط وهمة تنفيذا للتعهدات التى قطعوها على أنفسهم لأعداء الوطن.

إذا سألنا أنفسنا, ومن المستفيد ومن يريد توريط مصر والمصريين فى مستنقع مثل سوريا وليبيا واليمن, يجب أن نسأل أنفسنا اولا, من قتل عادل رجائى؟

من قتل هشام بركات؟

من يقتل ضباطنا وجنودنا كل يوم فى سينا؟

من سمح للارهابيين فى 27 يناير بدخول سيناء من غزة ثم عبروا القناة واقتحموا السجون وهربوا الارهابيين وعادوا بكل أمان إلى غزة؟

من حرق أقسام الشرطة ومديريات الأمن؟

من اقتحم أمن الدولة وعبث وسرق محتوياتها؟

من قتل عمر سليمان؟

من نفى أحمد شفيق؟

من وضع مبارك تحت الإقامة الجبرية؟

من أقسم وحنث بالقسم؟

من وعد وأخلف الوعد؟

من يذل فى الشعب؟

من أضاع احتياطات البنك المركزى؟

من استولى على مدخرات الغلابة والفقراء ومحدودى الدخل؟

من يرفع أسعار الخدمات والسلع ولصالح من ولماذا؟

من يصدر الأزمات للشعب ويفرض عليه المعاناة الحياتية

من يريد حرق ويحرق مصر؟

من تآمر مع الأمريكان والفلسطينيين وآل سعود وبنى صهيون للانقلاب على مبارك؟

من يرفض تنفيذ أحاكم الإعدام فى الارهابيين رغم إعترافاتهم؟

لماذا يصف السيسى الجاسوس مرسى فتحية بـ "الرئيس السابق" الذى تم انتخابه بطريقة ديمقراطية؟

لماذا يرفض السيسى إعدام الارهابيين وجزم فى ألمانيا أن الإخوانجية لن يعدموا؟

كلمة أخيرة.

ما بدأ بالدم لن ينتهى إلا بالدم

من أسال الدم لن ينتهى إلا بإسالة دمه

الحكمة الإلهية .. من قتل يقتل ولو بعد حين... وأيضا أفعل ما شئت فكما تدين تدان.

حفظ الله مصر وشعبها وجيشها وأرضها.

تحيا جمهورية مصر العربية

تحيا جمهورية مصر العربية

تحيا جمهورية مصر العربية

أم الصابرين ترد على دعوته: حن عليا يا سيسى!

أم الصابرين ترد على دعوته: حن عليا يا سيسى!

كتب محمود خليل:

"أم الصابرين" سيدة ريفية بسيطة تسكن فى بدروم احد منازل مصر العتيقة .. خرجت ضمن آلاف المصريات ترقص وتهلل وتؤيد السيسى فى 30 يونيو.. لكنها صدمت بعدما وجدت حياتها تزداد سوء ولا تعرف لماذا.. وحينما شاهدته – سيسى - يطالب المرأة المصرية بان تقف بجانب مصر انطلق لسانها كأنها لم تتحدث منذ زمن بعيد .. وكان هذا ردها على دعوة السيسى..

 كان نفسى يا سيسى اجف جمب مصر بس أنت عارف يا سيسى من ساعة ما مسكت وأنت مغلى الحاجة ناااار . .. وانا باطبخ دلوجتى ولو الطبيخ اتحرج ممكن أروح فيها او جوزى يطلجنى .. يرضيك يا سيسى اموت أو جوزى يطلجنى .. كان على عينى يا خويا .. اجف أنت جمبها لغاية ما اتغدى واغسل المواعين واشوف العيال وبعدين هاجى اجف جمبها شوية وابقى كمل أنت يا خويا علشان رجليا بتوجعنى من كتر الوقفة .. آه والله يا خويا ما اهو أنت من ساعة ما غليت الدوا وأنا مش قادرة اشتريه .. أعمل أيه يا خويا بأه .. وبعدين انت عارف العيال وتربيتهم .. ضهرى مش جادرة اصلبه حتى أسأل جوزى .. الراجل الله يكرمه مش بيطلب منى حاجات كتير .. دا حتى أنت من ساعة ما بقيت تحط الهباب بتاع الخصوبة ده فى القمح وهو يعنى صعبان عليا .. باقولك ايه يا خويا ما تقف أنت جمبها مش انت الراجل .. آه وانت كمان الريس ما شاء الله عليك وكمان متربى من خير الجيش .. وبتقبض أد كده .. باجولك ايه يا خويا .. أنت مش ممكن تسلفنى أد مية متين تلتميت جنيه اجيب فرختين من اللى بيحقنوهم بالسم الهارى اللى بيزود وزنهم وكمان العيال نفسهم فى حتة لحمة بس مش عارفة الجزار هايكون عنده لحم حمير والا لحم ميت والا ممكن يكون لحم كلاب وقطط .. ما انا والله يا خويا مش باعرف فى اللحم .. اجولك أنا هاخلى الراجل يبقى يشترى .. مقلتليش يا خويا انت هاتزود التموين أمتى .. يا روحى الراجل من ساعة الاسعار ما غليت ومبجاش مكفى البيت

.. التموين كان يدوب بيكفى لخر الشهر .. دلوقتى الطبيخ اورديحى وبنكمل بقية الشهر شوية فول على طعمية .. والله حتى دول مش عارفين نشتريهم .. باروح يا خويا للعربية بيدينى لحستين فى الطبج بجنيه وجرصين طعمية اد الترمسة بجنبه .. حتى الجبنة يا خويا اتحرمنا منها .. تصدق يا سيسى كيلو الجنبة الجريش بق بعشرين جنية والا الجبنة البيضا يا خويا بقت بتلاتين متجولش لحمة والا كانت لحمة يعنى .. أيه القرف اللى أنت معيشنا فيه ده .. يا خويا دا كنت هاطلج لما خرجت الشارع ارجص لما وافقت تبقى ريس .. قوم الراجل ضربنى وجرنى من شعرى فى الشارع والناس تحوش وهو الف راسه يطلجنى بعد ما يدينى العلجة التمام .. وانا اعييييط لغاية جلبه ما رق والناس حجزت ما بينا وقلت له خلاص توبة ارجص لسيسى تانى .. قالى ولا ترجصيلى يا ولية.. قلت حاضر يا خويا ولا هارجصلك .. ومن ساعتها يا خويا وهو يجي من الشغل ياكل وينام ويدينى ضهره .. آل أيه تعبان

.. طيب والنبى يا سيسى متعرفش هو تعبان من أيه .. آلهى يسترك يا خويا ابعت له دكتور يشوفه ويعالجه .. يا عينى دا خس خالص والا العيال ماجولكش عدمانين يا عينى حتى الواد الكبير مبجش يقدر يشيل حاجة .. والوسطانى ياعينى العيال الاصغر منه يضربوه فى الشارع ومش بيجدر يرد عليهم والصغير يا خويا راخر نايم طول النهار آل ايه النوم راحة وعبادة طالما مش جادرين نأكله زى حمادة زميله اللى ابوه ضابط وبياكل اكل حلو .. آه والله يا خويا الواد بيجى يجولى حمادة كان بياكل النهاردة بهجورجر وحاجات كده معرفش اسمها ايه من اللى بنسمعها فى التمثليات والافلام والاعلانات .. والا الاعلانات يا خويا ديه حاجة حلوة خالص اشى فلل وشقق وعربيات وعشش ع البحر وحاجة كده اسمها كموند .. والله نفسى يا خويا الراجل يودينى البحر بس تعرف لما جلت مرة نصيف زى الناس راح ضربنى بالجلم وقالى احنا فين يا ولية فلتانة وفين الكبرات اللى بيصيفوا .. وفين الفلوس ما هو من ساعة سيسى ماجه وهو منشفها علينا يا ولية .. الا صحيح يا سيسى انت منشفها علينا بجد والا الراجل بيضحك عليا .. الا حق ليكون متجوز عليا ما هو كل الرجال عيارها فلت يا خويا .. بس لأ دا مبجاش يقدر يصلب طوله هايتجوز عليا ازاى ..

اه والله يتجوز ازاى .. يكونش بيخونى لما بيروح الشغل ويكون عند مراته التانية .. هو ممكن ياخويا تكلم حد فى الجسم يراقب جوزى يشوفه بيخونى والا لأ.. بس انا حلوة ومدلعاه ع الاخر يخونى ازاى .. مش انا حلوة يا خويا .. قول الحج أنا حلوة والا لأ .. بس انت يا سيسى غلطان برضه سايب كل حد يعمل اللى على كيفه الاسعار مولعة والاكل مش تمام بيجيب السرطام اللى بيجولوا عليه ده والعياذ بالله بيموت الناس .. والغريبة كل ماكلم حد يجي يزورنى يقولى المواصلات غالية نار هو انت غليتها نار ليه ياسيسى .. الا بيقولوا الضولر غليته كمان .. انت غليت كل حاجة ليه ياسيسى .. دا حتى الخياطة اللى كانت بتفصلى الجلابية زودت اجرتها عشرة جنيه وبتجولى الضولر غلى .. والا العيال يا خويا كانوا بيحلقوا بعشرة جنيه آل ايه الحلاق جالهم زيادة عشرة جنيه علشان الضولر .. هو ايه الضولر ده يا خويا اللى مخلى كل الناس بتغلى الحاجة لما بيغلى  .. والنبى عايزة اشوفه يا سيسى .. اتملى منه واشوفه بعينى واطلب منه يرخص شوية علشان الغلابة اللى زيى .. ممكن تخلينى اشوفه يا سيسى .. طيب انا وجفت جنب مصر شوية ممكن تصورنى واطلع فالتفزيون .. دى تبقى حاجة ايمة والله وانا واقفة جمب مصر وبتوع البلد يشوفونى وانا واجفة جمبها وعاملة كده بايدى زى انت مابتعمل .. اجولك بلاش علشان عيون البنت بنت حميدة وامها وحشة اخاف اسجط من طولى لو شفونى جمب مصر ولو سجطت من طولى مين هايراعى الراجل والعيال وممكن اموت فيها ويروج يجوز غيرى ويجيب مرات اب للعيال تطلع عينهم .. يرضيك يا سيسى الراجل يجيب مرات اب لولادى وتطلع عينهم

.. مشكلة كبيرة جوى لو وقفت جمب مصر ... انا فاكرة امى وجفت جمب مصر جدى راح راجعها بالقلم وقالها اتلمى يا بت الكلب بتخرجى الشارع ليه وتجفى جنب الناس .. الا حقيقى يا سيسى هى مصر دى فين .. يعنى اروح اجف جمبها فين .. هى حلوة كده وبتلبس زى بنات ذوات .. عارف الاميرة انجى يا سيسى .. اه اللى جت فى التيفزيون وابن الجنينى كان عايز يجوزها .. تفتكر يا سيسى ابن الجنينى ممكن يجوز انجى .. هو انا فاكرة فلم جه وفيه بيجولوا جواز عتريس من فؤادة باطل باااطل .. بس معرفتش ايه اللى بطله طالما شيخ البلد وافج والعمدة وافج وشيخ الجامع وافج .. هو باطل ليه يا سيسى .. جولى والنبى يا خويا احسن يكون جوازى انا كمان باطل .. داهية سودا ليكون باطل ويكون العيال ولاد حرام .. اصل الحرام مبيدومش يا خويا .. واللى بيجى من حرام بيروح حرام .. وكمان بياخد الحلال معاه .. تفتكر يا سيسى عيشتنا حرام والا حلال .. هو انا لو موجفتش جمب مصر اكون عملت حرمانية .. ياريت والنبى انت تجف جمبها لتكون محتاجة مساعدة او مش جادرة تقف ورجليها وجعانة .. طيب ليه يا سيسى البنات الذوات مش بيجفوا جمبها ويتصوروا تصاوير .. هه .. انا سمعت ان اللى بيجف جمبها بياخد جرشنات كتييير اوى يعبوا جفف .. طيب انا لو وجفت جمبها هاخد جفة فلوس .. والا بنات الذوات بس اللى بياخدوا .. والله مانى عارفة يا سيسى اجف والا لا وهاجدر والا لا .. حاجة تحير صح .. اجولك يا سيسى انا هاجف جمبها بس سايجة عليك النبى يا شيخ ترخص الحاجة وتعالج الراجل والعيال وتشترى لى كام جلابية اشية كده اتعايج بيها .. ولو ممكن .. والله مكسوفة يا سيسى ... تديى الراجل اد متين تلميت جنيه وتجيب لى جزازة ريحة اتريح بيها بليل علشان الراجل يمكن .. يمكن .. هه

 .. متكسفنيش بجه ... انت عارف .. آه يا خويا ونسيت اجول لك كنت عايزة شوجة بدل البدرون اللى ساكنة فيه .. اصل اللى رايح واللى جاى كاشفنا ولا ريحة الشارع والمجارى اصل ياخويا محدش بينضف الشارع وبيجولوا ايه .. انتوا ناس فجرا متستهلوش نضافة ... طيب ليه.. طيب انا سمعت انهم بياخدوا خمسة جنيه حتة واحدة على الكهربا علشان ينضفوا الشارع .. والنبى يا خويا قولهم ينضفوا الشارع .. وجولى يا خويا هو انت غليت الكهربا تانى ليه .. والنبى يا خويا الجنى ونص اللى قلت عليهم ياكلوا العيال شوية عيش حاف من بتاع البطاجة .. والا العيش ده يا خويا راخر مبجاش يتاكل .. وكل ماروح الفرن واقوله العيش ملعبج ومايتكلش يقولى لو كان عجبك خدى مش عاجبك روحى اشتكى .. اقوله يا بنى ده عيش كله عجين .. راح واخد العيش ورماه ع الارض وجالى متجيش هنا تانى روحى اى فرن تانى معنديش عيش .. يرضيك كده يا سيسى .. طيب مش بيجولوا فى مفتش تموين .. مش بيعمل حاجة ليه .. ممكن يا خويا توصى صاحب الفرن يدينى عيش كويس .. عارفة تجلت عليك بس اعمل ايه .. ما انا كل ما تكلم يجولولى روحى لسيسى اللى رقصتيله .. مش انا رقصت لك يا سيسى وكنت هاتلج بسببك .. ياريت والنبى توصى صاحب الفرن يدينى عيش يتاكل .. انا عارفة انا باتكلم كتير بس اعمل ايه محدش بيسمعنى .. جلت اتكلم معاك لما طلبت اجف جمب مصر 

.. الا صحيح يا خويا هى مصر والا ماسر .. اصلى طول عمرى باقول مصر وانت بتقول ماسر وبقيت محتارة .. والنبى يا خويا هاجف جمب ماسر بس والنبى حللى مشاكلى.. علشان خاطرى يا سيسى حل مشاكلى قبل ما اموت اصلى حاسة انى هاموت فى البدرون ده وجوزى هايتجوز ويجيب مرات اب للعيال .. طيب ممكن تمنع جوزى يتجوز عليا لما اموت يا سيسى .. ممكن تاخد العيال منهم وتربيهم لو جاب لهم مرات اب .. والله قلبى معبى كتير يا سيسى .. عارفة عطلتك عن شغلك .. عارفة شغلة المريسة دى عورة خالص وبيجولوا تجيلة اوى واللى بيشتغلها مش فاضى .. الا جولى يا خويا انت متجوز .. عندك عيال وعامل ايه مع امهم .. والله نفسى اجف جمب مصر وتكون مرتك جمبى وتجف برضه جمب مصر وناخد تصويرة .. وساعتها بجة اطلع فى التيفزيون واتفشخر انا واجفة جمب مصر مع مرت سيسى .. طب ايه رايك لو وجفنا احنا التلاتة جمب مصر .. ممكن يا سيسى .. اجولك حاجة انت تجيب كل بنات الذوات وانا هاجيب كل نسوان الحارة وابعت البلد اجيب نسوان البلد كلتهم ونجف جمب مصر .. ياه والله هاتبجى وجفة عال العال .. مش كده يا سيسى .. انت مش بترد عليا ليه ياخويا .. والنبى عارفة وجعت لك راسك بس انت هاتروح تلاجى مرتك عامللك شاى وجهوة وتديك اسبرينة .. بس جولى يا خويا انت بتاخد

اسبرينة كده زينا لما راسك توجعك .. اصل الراجل كل ما اشكى له من بطنى والا راسى والا صدرى يجولى روحى الاجزخانة خدى اسبرينة .. هى الاسبرينة بتعالج كل حاجة يا خويا .. طيب المشتشفى ده بيعملوا فيها ايه .. هى للعمليات بس .. اسكت يا خويا مجلكش الولد بن عمى دخل المشتشفى وفضل هناك شهر وخرج على الطرب طوالى .. من ساعتها يا خويا كل ما الراجل يجيب السيرة اجوله تف من بوجك اوعى تجيب سيرة المشتشفى ده تانى على لسانك .. والله الكلام معاك حلو يا سيسى بس رد عليا .. انت مش بترد ليه .. هو طلباتى كتير .. بس انت قلت هاتحن علينا .. حن عليا يا سيسى .. والنبى حن علينا يا سيسى..................